O partido	Participa	Actualidade	Inicio

Comunicado oficial de Tega sobor do Idioma

Ante a difícil situación que se está xerando en Galicia co tema do idioma, Terra Galega quere expoñer o seguinte:

Aínda non estando dacordo co dogmatismo e sectarismo con que foron tomadas algunhas decisións por parte do anterior Goberno Bipartito (PSOE e BNG) e sendo moi críticos co modo e forma elixido para a defensa do Galego e coa pouca ou escasa aprobación social que produciu a aplicación de certas decisións políticas, temos que recoñecer que Feijoo e a súa nova Xunta fixéronos bos.

Queremos deixar claro que rexeitamos totalmente a actitude do partido popular e a de UPyD e a sua plataforma bilingüista cuxo obxectivo foi e é crear un problema entre os cidadáns deste país para os seus intereses electoralistas.

Este suposto problema nunca se dou en Galicia, non se pode dicir que aquí se marxinara a ninguén por falar castelán, ao contrario a historia dinos que a marxinación foi sufrida, en todo caso, polos galegofalantes.

Pra os que alegan a falacia de que o castelán estábase a perder, só cabe unha comprobación que calquera cidadán pode facer, dirixámonos a calquera kiosco ou librería e contemos as publicacións de xornais ou libros escritas en galego e logo fagamos o mesmo coas de castelán, a diferenza é abafadora a favor do castelán. Isto desmonta dun xeito simple e claro esta gran falacia.

O número de publicacións é un dos indicadores de saúde do noso idioma e revélanos a sua implantación social, é evidente que o galego non goza de boa saúde.

Non contentos con crear este ficticio enfrontamento, agora queren poñer en práctica a segregación dos alumnos en base ao idioma, que escollan os pais e así contentan ao seu electorado, e nós preguntamonos:

• ¿Isto non é crear guetos?

• ¿Seica cremos que os nosos nenos son máis parvos ou non teñen a mesma capacidade que calquera neno doutros países onde aprenden e se desenvolven en tres ou catro idiomas diferentes?

• Se o argumento é que teñen moitas asignaturas ¿Non sería mellor quitar a de relixión, á fin e ao cabo pódena recibir nas súas casas ou na súa comunidade relixiosa?

Tralo exposto, é a nosa intención posicionarnos á beira da Mesa pola Normalización Lingüistica, porque ante este ataque aos nosos dereitos como galegos, CUMPRE FACER CAUSA COMÚN. De igual xeito, esiximos que o PP, UPyD e os seus correlixionarios deixen de agredir o que a constitución recoñécenos.

MEDIDAS EN DEFENSA DO GALEGO:

• Esiximos apoios ás publicacións en galego para que en verdade se prodúza unha integración do galego nas nosas vidas.

• O mesmo en comunicacións audiovisuales.

• Apoio á tradución de software ao galego.

• Administración en galego.

• O mesmo para os Conselleiros, presidentes, alcaldes, etc.

• Control das subvencions, sobor de todo a certos periódicos que editan sempre en castelán e usan un tradutor automático (sen comprobación de erros) para a sua edición en galego.

Polo que:

1. Democráticamente pedimos e esiximos que ninguén sexa marginado polo idioma en que fala.

2. Sostemos que os idiomas son para entendernos, que nunca deben ser armas arroxadizas contra outros, nin causa -artificial- de problemas.

3. Pedimos e esiximos o mesmo respecto e a mesma igualdade para todos os idiomas do mundo, sexan minoritarios ou non.

Asinado pola Executiva Nacional de Terra Galega

Terra Galega. Tódolos dereitos reservados

2010-07-30 Sobre o PP e Juan Gato
2010-06-18 Convocatoria da Direccion Nacional de Tega
2010-06-16 Apoio de Tega á decisión da Alcaldía de Narón
2010-03-24 Dirección Nacional Extraordinaria de Tega
2010-03-14 Terra Galega e a Lei de Dependencia
2010-03-08 Sobre os parques eólicos
2010-03-03 Moción abreviada sobre as Caixas
2010-02-07 Convocatoria da Dirección Nacional
2009-11-25 Dirección Nacional Extraordinaria de Tega
2009-11-24 Dirección Nacional Extraordinaria de Tega
2009-09-14 Convocatoria da Dirección Nacional, con carácter extraordinario, de Terra Galega
2009-07-01 Convocatoria da Direccion Nacional de Tega
2009-05-30 Comunicado oficial de Tega sobor do Idioma
2009-05-28 Terra Galega pola transparencia na xestión dos cargos públicos
2009-05-16 Comunicado Oficial sobor do Sector Lácteo
Páxina: 1 2  3