Comunicado Oficial sobor do Sector Lácteo

O Sector Lácteo

O sector lácteo galego está a sufrir unha crise que dende fai moito tempo se via vir, por iso dende Terra Galega queremos facer as seguintes manifestacións:

1.- Preguntas ante o parlamento do estado español e ante o parlamento galego:

• ¿cal é a cantidade de cartos dos fondos para arranxos estructurais que deu a UE ao estado ata o día de hoxe?
• ¿cantos deses fondos foron destinados para a converxencia e modernidade do agro galego?

2.- Reflexións para os cidadáns:

• ¿cales foron as medidas adoptadas, ata o día de hoxe, por parte dos distintos gobernos que pasaron pola Xunta (PP, PSOE, BNG) para paliar a continua degradación do campo en Galicia?

As anteriores cuestións teñen unha sinxela contestación: o montante monetario foi unha limosna miserable xa que con eses cartos de converxencia estanse a construir infraestruturas en Madrid e, en canto as medidas da Xunta: ningunha.

Deste xeito Terra Galega, ante a política do avestruz que estan a adoptar as outras forzas políticas, agochando a cabeza ou mirando para outro lado, queremos facer unha proposta clara:

A creación do GRAN GRUPO LÁCTEO GALEGO

1. Con participación pública que garanta a continuidade do sector en e dende Galicia.
2. Facendo uso dun banco de terras para pasto, composto polas terras dos produtores que nel se integren, mais terras de caracter público.
3. Creación dunha marca de calidade do leite galego ante o resto de España e de Europa.
4. Grazas a esa imaxe pública, acompañada de promoción publicitaria, e garantindo que o leite galego nace, en gran medida, dun procedemento transparente e de pastos naturais, adoptarase unha política de prezos que situe o noso leite nos estands de produtos de máxima calidade, co prezo adecuado, e con outro prezo menor para os consumidores de dentro da nosa comunidade.
5. Porcentaxe en beneficios para todos os produtores que se integren neste proxecto.
6. Garantir, por parte do grupo, o pago das débedas asumidas ata o día de hoxe polos pequenos e medianos produtores.
7. Banco de maquinaria e ferramentas común.

Xermán Tobío
Secretario Xeral de Terra Galega

Terra Galega. Tódolos dereitos reservados